Pavlodar oblysy jurtshylyǵy aýyl ákiminiń jumysyna narazylyq tanytýda

PAVLODAR. QazAqparat - Pavlodar oblysynyń arnaıy monıtorıngtik toby Lenınskıı aýyly turǵyndarynyń ákimniń jumysyna qatysty shaǵymyn estip, qazan aıynda ózgeristerdi baqylaý úshin qaıta oralýǵa ýáde berdi, dep habarlaıdy QazAqparat tilshisi.

Pavlodar oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl agenttiginiń departamenti Lenınskıı aýylynyń jurtshylyǵynyń bastamasymen oblystyq arnaıy monıtorıngtik top kóshpeli otyrys ótkizgenin habarlady.

«Lenınskıı aýyly turǵyndarynyń saýaldaryna ákim jaýap berdi. Onyń sózinen belgili bolǵandaı, ol qyzmettik laýazymyn asyra paıdalanbaǵan jáne zańdy túrde áreket etken. Al oblystyq monıtorıngtik toptyń ókilderi jergilikti bılik pen halyq arasynda túsinispeýshilik bolǵanyn jetkizdi. Halyqtyń sózine qulaq asyp, olardyń kóńil-kúıine mán bergen jón. Soǵan qaraı qajetti sharalar uıymdastyrý kerek. Olar ákimdikte jumys jasamaıdy, memlekettik qyzmetkerler de emes, sondyqtan túsinbeı jatýlary múmkin», - dedi Pavlodar oblystyq arnaıy monıtorıngtik toptyń múshesi Alma Qozbaeva.

«Azamattyq sektordyń jergilikti belsendileri aýyl ákiminiń jumysyna kóńilderiniń tolmaıtynyn bildirdi. Kezdesý nátıjesi boıynsha arnaıy monıtorıngtik toptyń músheleri aýylǵa kelesi jyldyń qazan aıynda qaıta oralyp, oryn alǵan ózgeristerge baqylaý júrgizýge ýáde berdi», - dedi departamenttegiler.