Pavlodar oblysy turǵynynyń qorasynan gaz tapanshasy men revolver tabyldy
PAVLODAR. QazAqparat - Pavlodar oblysy turǵynynyń qorasynan jasyrylǵan gaz tapanshasy men revolver tabyldy. Qarýlarǵa ballıstıkalyq saraptamalar taǵaıyndaldy, dep habarlaıdy QazAqparat Pavlodarnews.kz saıtyna silteme jasap.
Bul týraly Pavlodar oblystyq polıtsııa departamentiniń jergilikti polıtsııa qyzmetiniń bastyǵy Rýstambek Yqsyn aıtty.
- Jergilikti polıtsııa ınspektory aýyl turǵyndarynyń biriniń saraıynan tıisti qujattarsyz saqtalǵan 8 mm kalıbrli ME 8 DETEKTIVE markaly gaz tapanshasyn jáne RECK - COBRA gaz revolverin tapty, - dedi Rýstambek Yqsyn.
Er adamǵa qatysty ákimshilik is qozǵaldy.
Sondaı-aq «Qarý» jedel-profılaktıkalyq is-sharasy barysynda Aqsý qalasynyń polıtseıleri B.Momyshuly kóshesinde 44 jastaǵy er adamdy ustap, odan 5,45 mm kalıbrli eki patron tárkiledi. Onyń ne úshin jáne qandaı maqsatta oq-dárini alyp júrgeni tekserý kezinde belgili bolady.
Óńirde 2021 jyldyń 17 maýsymyna deıin «Qarý» jedel-profılaktıkalyq is-sharasy ótkizilýde.
