Pavlodar oblysy onkologııalyq aýrý boıynsha respýblıkada ekinshi orynda tur

Bul týraly búgin QR Premer-Mınıstriniń orynbasary Qaırat Kelimbetov ótkizgen májiliste óńirdiń damýynyń negizgi baǵyttaryn aıqyndaǵan oblys ákimi Erlan Aryn málim etti. 

«Oblysta onkologııalyq aýrýmen aýyratyndardyń kórsetkishi respýblıkalyq kórsetkishten 1,5 ese artyq. Búgingi kúni 10 myńǵa jýyq adam onkologııalyq dıspanserdiń esebinde tur. Jyl saıyn bul esepke 2 myńnan astam adam turady», - dedi E. Aryn.

Qazirgi ýaqytta oblys ortalyǵynda jumys istep otyrǵan emhananyń mamandandyrylǵan arnaıy mekemesi joq. Ol 1960 jyly salynǵan jataqhananyń ǵımaratynda ornalasqan. Sondaı-aq onkologııalyq dıspanserdiń bólimsheleri qalanyń ár bóliginde ornalasqan ǵımarattarda jumys isteýde.