Pavlodar oblysy Memlekettik kirister departamentiniń basshysy paramen ustaldy

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń qyzmetkerleri Pavlodar oblysy Memlekettik kirister departamentiniń basshysy Ernur Baıqurmanovty, MKD oblystyq basqarmasy Tergeý bóliminiń basshysy Azamat Beısembaevty jáne jedel ýákil D.Maǵzumovty ustady.  Memlekettik qyzmetshiler 100 myń AQSh dollary kóleminde para aldy dep aıyptalyp otyr, dep habarlaıdy pavon.kz.

Sybaılas jemqorlyqqa qarsy qyzmet ókilderi kúdikti tulǵalarǵa qatysty jedel-tergeý sharalaryn uıymdastyrdy. Olardyń jumys kabınetterin jáne turǵylyqty jerleri boıynsha tintý jumystaryn júrgizdi. QR QK 366-baby 4-tarmaǵy boıynsha sotqa deıingi tergeý jumystary bastaldy.

Aıta keteıik, sybaılas jemqorlyqqa qarsy is-qımyl qyzmetkerleriniń kómegine «Zaman» kompanııasynyń jetekshisi Abgýshınov esimdi azamat júgingen. Onyń fırmasy Ekibastuzda kómir óndirýmen aınalysady.