17:48, 15 Maýsym 2022 | GMT +6
Pavlodar oblysy mádenıet basqarmasynyń basshysy tergelip jatyr
PAVLODAR. QazAqparat – Pavlodar oblysynda Mádenıet, tilderdi damytý jáne arhıv isi basqarmasynyń basshysyna qatysty sotqa deıingi tergeý bastaldy. Memlekettik qyzmetshi memlekettik satyp alý týraly shart jasasqany jáne oryndalǵan jumystar aktisine kedergisiz qol qoıǵany úshin kásipkerden para aldy degen kúdikke ilindi, dep habarlaıdy QazAqparat tilshisi.
«Pavlodar oblystyq sybaılas jemqorlyqqa qarsy qyzmet «Oblys ákimdiginiń mádenıet, tilderdi damytý jáne muraǵat isi basqarmasy» MM basshysyna qatysty memlekettik satyp alý týraly shart jasaǵany jáne atqarylǵan jumystar aktisine kedergisiz qol qoıǵany úshin kásipkerden para aldy degen kúdikpen sotqa deıingi tergeýdi bastady», - dedi vedomstvodan.
Kúdiktiniń kinásine qatysty tolyq sheshim tergeý nátıjesi boıynsha qabyldanady.
«Qosymsha aqparat Qylmystyq-protsessýaldyq kodekstiń 201-babyna sáıkes jarııalanbaıdy», - dedi Antıkordan.
