Pavlodar oblysy egistik alqaptaryn elektrondyq kartaǵa engizdi
Bul týraly óńirlik kommýnıkatsııalar qyzmetinde ótken baspasóz jıynynda oblystyq aýyl sharýashylyǵy basqarmasy basshysynyń mindetin atqarýshy Esentaı Múrsálimov aıtty.
«Elimiz boıynsha agroóndiris kesheninde tsırflandyrý jumystary júrip jatqany belgili. Aýyl sharýashylyǵy taýar óndirýshilerimen egis alqaptarynyń elektrondy kartasyn engizý jumystaryn bizdiń aımaq 20-sáýirde alǵashqy bolyp aıaqtaǵan», - deıdi Esentaı Múrsálimov.
Spıkerdiń aıtýynsha, qazirgi tańda tyńaıtqyshtar júıesin sýbsıdııalandyrý avtomattandyrylǵan. Sondyqtan egis alqaptarynyń elektrondy kartasy bolmasa, sharýalar tapsyrys bergen kezde baza ótinishti maquldaýdan bas tartady.
Fermerler mundaı jańashyldyqtyń arqasynda kompıýterde nemese smartfon arqyly jeke kabınetke kirip, óz alqaptaryn ınternet arqyly qalaı baqylaý kerektigin biledi. Elektrondy kartadan alqaptyń temperatýrasyn, ónimdiligin, qansha ónim jınalǵandyǵyn kórýge bolady.
«Mysaly, 5 620 gektar jer elektrondy kartaǵa engizýdiń nátıjesinde tolyǵymen jan-jaǵy syzylady. Tyńaıtqyshtarǵa ótinish beriledi. Sol jerde arnaıy normatıvter bar. Eger de parametrler sáıkes kelmegen jaǵdaıda ótinishi keri qaıtarylady.
ıAǵnı, elektrondy karta jumysty jeńildete túsedi. Sheneýnik pen ótinish berýshiniń arasynda baılanys bolmaıdy», - deıdi Esentaı Múrsálimov. Aıta keteıik, bıyl oblys boıynsha egis alqaptarynyń jalpy kólemi 1 mln 421 myń gektardy quraıdy. Bul 2017 jylmen salystyrǵanda 12,7 paıyzǵa artyq.