Pavlodar oblysy bıyl shet memleketterge 30 tonna qoı etin eksporttady
PAVLODAR. QazAqparat - 2018 jyly alty aıynda Pavlodar oblysynan Reseı men Birikken Arab Ámirlikterine 30 tonna qoı eti eksporttaldy, dep habarlaıdy pavlodarnews.kz.
Byltyrǵy jylǵy bul baǵyttaǵy kórsetkish 90 tonnany quraǵa. Bul týraly aımaq basshysy Bolat Baqaýov oblystyq máslıhattyń kezekti sessııasynda málim etti.
«Byltyrǵy jyldan beri qoı etin jetkizý bir jolǵa qoıyldy. Shilde aıynan bastap shet elge apta saıyn et jiberiledi. Jalpy alǵanda, aýylsharýashylyq ónimderin eksporttaý kólemi 1,7 esege artyp otyr. Búgingi tańda 14 aýylsharýashylyq ónimi álemniń on bir eline eksporttalady. Onyń ishinde Reseı, Ózbekstan, Tájikstan, Qyrǵyzstan, Túrikmenstan, Qytaı, Aýǵanstan, Iran, Grýzııa, Ýkraına jáne Birikken Arab Ámirlikteri bar.», - dedi Bolat Baqaýov.
Aımaq basshysynyń aıtýynsha, aýylsharýashylyq taýarlaryn qaıta óńdeý kólemi alty paıyzǵa artqan. Mundaı nátıje agroónerkásiptik keshendi damytý baǵdarlamasy men memlekettik qoldaýdyń arqasynda júzege asyryldy. Aýylsharaýshylyq salasyna jalpy barlyq qarjy kózderiniń esebinen 12 mıllıard teńgeden astam qarajat bólinedi. Bıylǵy jyly egistik alqaptaryn dıversıfıkatsııalaý arqyly qajetti dándi-daqyldardyń kólemi 150 gektarǵa deıin ulǵaıǵan.
Mal sharýashylyǵyn damytý maqsatynda bes iri sút-taýarly fermasy - «Sergeı» ShQ, «Lýgansk» ÓK, «Pahar», «Galıtskoe» jáne «Kırov» JShS men 18 qaıta óńdeý nysany iske qosylady. Sondaı-aq «Aı Agro», «MTS Jaıma» jáne «Mý Feedlot» JShS 11 myń basqa arnalǵan úsh bordaqylaý alańyn paıdalanýǵa beredi.
«Elbasy jýyrda ǵana Ertis óńirine jasaǵan jumys saparynda negizgi mindetterdiń biri retinde agralyq salaǵa basa mán berýdi tapsyrǵan bolatyn. Sondyqtan bul baǵytta jumystar ýaqytyly jáne sapaly túrde júzege asyrlatyn bolady», - dep túıindedi sózin oblys ákimi.
