Pavlodar oblysy bir qalany kórshi óńirge berdi

PAVLODAR. QazAqparat –Pavlodar oblysynyń máslıhatynda Kýrchatov qalasynyń aýmaǵyn Abaı oblysynyń qaramaǵyna berý máselesi qaraldy, dep habarlaıdy QazAqparat Pavlodarnews.kz saıtyna silteme jasap.

Atalǵan usynysty Pavlodar oblysynyń Jer qatynastary basqarmasynyń basshysy Murat Hamıtov usyndy.
Ol jańadan qurylǵan Abaı oblysy Shyǵys Qazaqstan oblysynyń segiz aýdanynan jáne Semeı qalasynan qurylǵanyn eske saldy. Onyń quramyna Kýrchatov ta endi. Qala
Pavlodar oblysynyń shekarasynda ornalasqan, biraq is júzinde Shyǵys Qazaqstan oblysyna qarasty bolyp keldi.

«Qalanyń jalpy aýdany 11 gektardy quraıdy. Kýrchatovtan túsetin salyqtar oblystyq bıýdjetke túspeıdi, qala bıýdjetinde qalady. Bul sheshim Pavlodar men Abaı oblystarynyń shekarasyn retke keltirýge múmkindik beredi», – dedi Murat Hamıtov.
Máslıhat depýtattary usynysty biraýyzdan qoldady.