Pavlodar oblysy bas sanıtar dárigeriniń jańa qaýlysy shyqty
Qaýlyda balabaqshalardyń jumysyna ruqsat beriletini aıtylǵan.
«QR Bas sanıtar dárigeriniń №36 qaýlysy boıynsha mektepke deıingi balalar mekemeleriniń jumysyna ruqsat etilsin», - delingen qujatta.
Sondaı-aq, arnaıy mamandandyrylǵan uıymdardyń, erekshe bilim berý qajettiligi bar arnaıy mektep-ınternattardyń, balalar úıiniń, jalpy úlgidegi mektep-ınternattardyń qyzmetine ruqsat beriletini aıtylǵan.
Al senbi kúnderi saıajaıǵa qatynaıtyn avtobýstardan basqa qoǵamdyq kóliktiń bári jolaýshy tasymaldaıtyn boldy. Ol úshin qarbalas saǵattarda avtobýs sanyn kóbeıtip, kondýktorlar jolaýshylardyń oryndyq sany boıynsha ǵana kirýin qadaǵalaýy kerek. Sondaı-aq, sońǵy aıaldamaǵa toqtaǵan saıyn dezınfektsııalaý sharalary júrgizilip, avtobýs ishinde maska rejımi qatań saqtalýy shart. Almatydan ózge óńirler sııaqty Pavlodar oblysynda da qoǵamdyq kólik jumysyna shekteý tek jeksenbi kúni qoıylyp otyr.
«QR Bas sanıtar dárigeriniń №36 qaýlysy boıynsha oblys kóleminde 2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uıymdary shtattyq rejımde jumys istesin», - dep jazylǵan qujatta.
Qujat 28 tamyz kúni saǵat 0.00-den bastap kúshine enedi.
