Pavlodar oblysy aýyl sharýashylyǵy basqarmasynyń basshysy ustaldy
PAVLODAR. QazAqparat - QR Memlekettik qyzmet jáne sybaılas jemqorlyqqa qarsy is-qımyl isteri jónindegi agenttiginiń Sybaılas jemqorlyqqa qarsy is-qımyl ulttyq bıýrosy sheneýniktiń qamaýǵa alynǵanyn rastady, dep habarlaıdy «QazAqparat» HAA tilshisi.
Rastalmaǵan aqparattarǵa súıensek, oblystyq aýyl sharýashylyǵy basqarmasynyń 48 jastaǵy basshysy Oraz Dúzdenbaev memleketten sýbsıdııa alyp otyrǵan sharýalardan meıramhanadaǵy kásibı mereke qurmetine arnalǵan saltanatty keshke tóleý úshin aqsha jınaǵan.
Pavlodar oblysy ákiminiń orynbasary Baýyrjan Qasenov búgin Qazaqstan aýyl sharýashylyǵy qyzmetkerleri kúnine arnalǵan saltanatty jıynda qolastyndaǵy qyzmetkeriniń ne úshin aqsha jınaǵanynan beıhabar ekenin málim etti.
«Men ázirge esh nárse bilmeımin. Máseleni ulttyq bıýro (Sybaılas jemqorlyqqa qarsy is-qımyl ulttyq bıýrosy - red.) tekseredi. Sheshimdi solar qabyldaıdy», - dedi B.Qasenov.
