Pavlodar oblysy aýmaǵynda barlyq baǵyttarda joldar jabyldy
ASTANA. 15 qańtar. QazAqparat - Pavlodar oblysy aýmaǵyndaǵy joldar jabyldy. Bul týraly búgin «Qazaqavtojol» RMK-nyń baspasóz qyzmetinen habarlandy.
Saǵat 18.30 bastap qolaısyz aýa raıyna (kóktaıǵaq) baılanysty oblys boıynsha barsha baǵyttarda avtokóliktiń barlyq túrleri úshin jolǵa shyǵýǵa tyıym salyndy.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
