Pavlodar oblysy Aýǵanstanǵa 10 mln jumyrtqa jiberdi
PAVLODAR. QazAqparat - «Pavlodar qus» JShS Aýǵanstanǵa 10 mıllıon jumyrtqa jiberdi, dep habarlaıdy pavlodarnews.kz.
Bul týraly búgin óńirlik kommýnıkatsııalar qyzmetinde ótken jıynda QR AShM veterınarlyq baqylaý jáne qadaǵalaý komıtetiniń Pavlodar oblystyq aýmaqtyq ınspektsııasynyń basshysy Rashıt Nurbekov málim etti. - Alǵashqy ret «Pavlodar qus» JShS bıyl Aýǵanstanǵa 10 mıllıon taýyq jumyrtqasyn jiberdi. Qazirgi ýaqytta taǵy da sonsha dana ónim jiberýge daıyndalyp jatyr, - dedi Rashıt Nurbekov. - Buǵan qosa, 252 myń jumyrtqa Qyrǵyzstanǵa jóneltildi. Sonymen qatar, aǵymdaǵy jyldyń jeti aıy ishinde shetelderge 705 tonna et pen et ónimi jiberildi. Sonyń ishinde, Reseı Federatsııasynyń Novosibir, Omby, Krasnoıarsk qalasyna 72 tonna shujyq ónimderi, Altaı óńiri men Qyrǵyzstanǵa 424 tonna jartylaı et ónimderi jiberildi. Al, Reseı, BAE men Túrkııaǵa 77 tonna qoı eti tasymaldandy».
Vedomstvo basshysynyń aıtýynsha, baldyń 6,7 tonnasy Reseı Federatsııasyna jiberilse, «FýdmasterTreıd» kompanııasy JShS men «Molkom-Pavlodar» JShS Barnaýyl qalasyna 1,4 tonna sút pen sút ónimin jibergen.
Foto: pavlodarnews.kz
