Pavlodar oblysy Astanada ekinshi márte jármeńke ótkizip jatyr
ASTANA. QazAqparat - Astanada Pavlodar oblysynyń aýyl sharýashylyǵy ónimderiniń jármeńkesi ótip jatyr, dep habarlaıdy QazAqparat tilshisi.
Osymen ekinshi ret uıymdastyrylyp otyrǵan aýyl sharýashylyq jármeńkesine oblystyń barlyq óńirlerinen'100-den astam qaıta óńdeýshi kásiporyndar men aýyl sharýashylyq qurylymdary qatysýda. Bul joly Pavlodardan 150 mln teńgeniń 541 tonna ónimin ákelindi. Onyń ishinde 55 tonnadan astam et jáne et ónimderi, 220 tonna kartop, 120 tonna kókónis jáne 146 tonna taǵy basqa aýyl sharýashylyq ónimderi bar.
«Buǵan deıingi ótkizgen jármeńke tájirıbesi kórsetkendeı pavlodarlyq aýyl sharýashylyq taýar óndirýshileriniń ónimi astanalyqtarǵa úlken suranysqa ıe jáne barlyq ónimder tolyǵymen ótedi. Ásirese elordalyqtarǵa et, sonyń ishinde Baıanaýyldan jetkizilgen etke suranys joǵary, sol sııaqty kartop jáne kókónis keńinen tanymal. Baǵaǵa kelsek naryqtan tómen dep aıtýǵa bolady. Osy jolǵy jármeńkede 20 myńnan astam adam keledi degen úmittemiz», - dedi Pavlodar oblystyq aýyl sharýashylyǵy basqarmasynyń basshysy Nurbolat Maqashev.
Jármeńkede oblystan bólek respýblıkaǵa tanymal «Rýbıkom» JShS, «KEMMI» JShS, «Saǵyp» ShQ, «REGTaım» ShQ, «Krendel» JShS, «Zernograd» JShS, «Qyzyljar- Qus» JShS, «Pobeda» JShS, «Aqtoǵaı AGRO» JShS sekildi kásiporyndar óz ónimderin usynýda.
«Qazaqstan» sport kesheniniń janynda ótip jatqan eki kúnge sozylatyn jármeńke aıasynda elordalyqtarǵa merekelik baǵdarlama uıymdastyrylýda.
Aıta keteıik, atalǵan oblystyń buǵan deıin ótken jármeńkesinde 110 mln teńgeniń 465 tonna ónimi jetkizilgen bolatyn.
