Pavlodar oblysy ákiminiń portreti 700 myń teńgege satyldy - baspasóz qyzmeti
PAVLODAR. QazAqparat – Bolat Baqaýovtyń portreti jańa jyldyq qaıyrymdylyq balynda aýktsıonǵa qoıyldy, dep habarlaıdy QazAqparat.
«Bul kartına keshe 700 myń teńgege satyldy, al 28-30 mıllıonǵa satyldy degen júrgizýshilerdiń ázili bolatyn», - dep túsinikteme berdi QazAqparat tilshisine Pavlodar oblysy ákiminiń baspasóz hatshysy Ernar Seıtahmet.
Aýktsıonǵa qoıylǵan Bolat Baqaýovtyń portreti týraly eki mınýttyq vıdeo áleýmettik jelilerde tarap ketken. Onda eki áleýetti satyp alýshy arasyndaǵy negizgi «tartys» kórsetilgen. Ol vıdeo Jańa jylǵa arnalǵan qaıyrymdylyq baly kezinde Pavlodardyń «Ertis» qonaq úıinde túsirilgen. Jazbada on eki mıllıonnan bastalǵan saýda jazylyp qalǵan. Aýktsıonnyń qyzǵan kezinde eki júrgizýshi tipti saýdalasýshylardyń sahnaǵa shyǵýyn ótingen. Ol ýaqytta aımaq ákiminiń portretin satyp alýǵa úmitkerler qalmaǵan bolatyn.
«Bul kartınany ákimge aýǵan soǵysy ardagerleri syılaǵan bolatyn », - dep atap ótti E. Seıtahmet.
Ol jańa jyldyq baldan, onyń ishinde aýktsıonnan, sharalardan, osy lotadan túsken barlyq qarajat qaıyrymdylqqa jumsalatynyn aıtty.
Jaqynda ǵana Pavlodar oblysy ákiminiń jýrnalıstermen kezdesýinde Bolat Baqaýov kirý baǵasy 25 000 teńge turatyn bul sharadan túsken qarjy zaǵıp jáne kórý qabileti nashar adamdarǵa kómekke beriletinin aıtqan bolatyn.
