Pavlodar oblysy ákiminiń birinshi orynbasarynyń eki velosıpedin urlap ketti
PAVLODAR. QazAqparat - Pavlodar oblysynyń birinshi ákimi Dúısenbaı Turǵanovqa tıesili eki velosıpedti úıiniń kireberisinen urlap ketken, dep habarlady «QazAqparat» HAA tilshisi.
12 shildege qaraǵan túni Sátbaev kóshesindegi kóp qabatty úıdiń kireberisine belgisiz bireýler emin-erkin kirip, eki velosıpedti qoldy etken. Bul týraly oblystyń ІІD habarlady. Polıtsııa QK 188-baby 3-bóligi boıynsha tergeý sharalaryn bastady.
Quqyq qorǵaý organdarynyń qyzmetkerleri urlyq jasady degen kúdikpen eki adamdy anyqtady. Olardy izdeý, ustaý sharalary qabyldandy. Úı turǵyndary urlyq shamamen bir apta buryn jasalǵanyn aıtty. Velosıped lıftiniń janynda turǵan. D. Turǵanov turatyn úıde kúzet bar, oǵan perımetri boıynsha beınekamera ornatylǵan.
Qalalyqtardyń aıtýynsha, zań buzýshy jalǵyz bolmaǵan. Ákimdiktiń baspasóz qyzmeti arqyly Dúısenbaı Turǵanov polıtsııaǵa júgingenin habarlady, urlyq faktisin rastady.
