Pavlodar oblysy ákimi óńir turǵyndaryna áleýmettik jelide baılanys ornatýdy usyndy
PAVLODAR. QazAqparat - Pavlodar oblysynyń ákimi Ábilqaıyr Sqaqov óńir turǵyndaryna áleýmettik jelide baılanys ornatýdy usyndy, dep habarlaıdy QazAqparat pavlodarnews.kz-ke silteme jasap.
Bul týraly óńir basshysy Instagram -daǵy paraqshasynda jazdy.
«Instagram-da paraqshamdy ashýdy jón kórdim. Oblys ákimi retinde aımaq jurtshylyǵyn tolǵandyratyn máselelerdi bilgim keledi. Usynys-tilekterińizben bólisińiz, men aqparat almasýǵa qashanda daıynmyn. Sondaı-aq, Facebook pen Twitter-de paraqshalarym bar. Ol jerde de habarlasa alamyz», - dep jazdy Ábilqaıyr Sqaqov.
Eske sala ketsek, oblys ákimi 14 aqpanda halyq aldynda eseptik kezdesýin ótkizedi.
