Pavlodar oblysy ákimdigine shabýyl jasaý faktisimen 3 qylmystyq is tergelýde
PAVLODAR. QazAqparat – Pavlodar oblysy ákimdiginiń ǵımaratyna shabýyl jasaý faktisimen 3 qylmystyq is tergelýde. Bul týraly Pavlodar oblystyq Polıtsııa departamenti bastyǵynyń orynbasary Rashad Óteýov aıtty, dep habarlaıdy QazAqparat tilishsi.
Onyń atap ótýinshe, Pavlodar oblysy ákimdiginiń ǵımaratyna shabýyl jasaý jáne jappaı tártipsizdik uıymdastyrý faktisi boıynsha 3 qylmystyq is sotqa deıin tergelip jatyr. 1 adamǵa qatysty tutqynǵa alý túrindegi bultartpaý is-sharasy qabyldanǵan. Qylmystyq ister odan ary tergelý úshin QR UQK Pavlodar oblystyq departamentine berilgen.
«Buzaqylardyń qylmystyq is-áreketi saldarynan oblys ákimdigine kelgen shyǵyn 2 mln teńgeden asyp jyǵylady», - dedi Rashad Óteýov.
Aıta keterligi, qańtar oqıǵasy kezinde jappaı tártipsizdikterge qatysýshylar, azamattyq tulǵalar, quqyq qorǵaý organdary qyzmetkerleri arasynda qaza tapqan joq. Oblys aýmaǵynda dúkenderdi tonaý, qarý-jaraq pen oq-dárilerdi urlaý, tonaý, shaǵyn jáne orta bıznes nysandaryn qıratý faktilerine jol bermedi.
