Pavlodar oblystyq sotynda QR Tuńǵysh Prezıdenti kúni merekesine arnalǵan shara ótti
ASTANA. QazAqparat - Búgin Pavlodar oblystyq sotynda «1 jeltoqsan - Qazaqstan Respýblıkasynyń Tuńǵysh Prezıdenti kúnine» arnalǵan saltanatty is-shara ótti, dep habarlaıdy QazAqparat tilshisi.
Іs-sharaǵa Pavlodar oblystyq sotynyń tóraǵasy M.Smaǵulov, «Pavlodar oblysynyń Sottar ákimshisi» RMM basshysy S.Ahmetbekov, oblystyq sottyń sýdıalary men mamandary, oblys ortalyǵynda ornalasqan sottardyń tóraǵalary men sýdıalary, sonymen qatar, aýmaqtyq BAQ ókilderi qatysty.
Іs-sharany asha otyryp, Pavlodar oblystyq sotynyń tóraǵasy M.Smaǵulov saltanatty jıynǵa qatysýshylardy alda kele jatqan merekemen quttyqtady. Ol óz sózinde 1991 jylǵy 1 jeltoqsanda búkilhalyqtyń saılaý nátıjesinde Nursultan Nazarbaevtyń Qazaqstan Respýblıkasynyń Prezıdenti bolyp saılanýyna tarıhı alǵyshart jáne atalmysh mereke kúnin belgileýge negiz bolǵandyǵyn atap ótti.
«Bul jeńis joǵarǵy senimniń belgisi, Qazaqstan halqynyń jaýapty tańdaýy boldy. Birinshi jeltoqsan bizdiń memleketimiz úshin tarıhı kún, sol sebepten biz osy ataýly kúndi Qazaqstan Respýblıkasynyń Tunǵysh Prezıdenti kúni retinde toılaımyz», dedi.
Іs-shara şeńberinde saltanatty túrde sot júıesi qyzmetin eń úzdik jaryqqa shyǵarý baıqaýyn ótkizý qorytyndysy boıynsha buqaralyq aqparat quraldary ókilderin Qurmet gramotalarmen marapattaý rásimi ótti.
Baıqaý qorytyndysy boıynsha «Memlekettik tilde sot júıesiniń qyzmetin eń úzdik jaryqqa shyǵarý» nomınatsııasy boıynsha - Aıdana Qýanysheva («Saryarqa samaly» aýmaqtyq gazeti) Qurmet gramotasyna ıe boldy. Al, «Pavlodar oblysy sot júıesiniń qyzmetin belsendi jaryqqa shyǵarý» nomınatsııasy boıynsha marapatty merzimdi BAQ arasynda Marına Popova («Gorodskaıa nedelıa» gazeti) men Irına Adylkanova («Nasha jızn») jáne Olga Voronko («Vremıa» respýblıkalyq gazeti) ıelendi.
«Pavlodar oblysy sot júıesiniń qyzmeti jóninde belsendi aqparat taratqany úshin» nomınatsııasyn «Qazaqstan - Pavlodar» RTRK AQ-niń telearnasy, «pavlodarnews.kz» aqparattyq agenttigi bas redaktorynyń orynbasary Svetlana Voronova, «pavon.kz» aqparattyq agenttiginiń bas redaktory Evgenıı Shýltaıs jeńip alyp, arnaıy gramotalarmen marapattaldy.
