Pavlodar oblystyq kardıologııalyq ortalyǵy aktsıonerlik qoǵam bolyp qaıta qurylady

PAVLODAR. QazAqparat - Pavlodar oblystyq kardıologııalyq ortalyǵy aktsıonerlik qoǵam bolyp qaıta qurylady. Bul týraly «100 naqty qadam» Ult josparyn júzege asyrýǵa arnalǵan baspasóz máslıhatynda óńir ákimi Bolat Baqaýov málim etti.

«Korporatıvti basqarýdy engizý aıasynda 35 medıtsınalyq uıym sharýashylyq basqarý quqyǵyndaǵy kásiporyn mártebesine aýystyryldy. Onyń ishinde 24-inde baqylaý keńesteri quryldy. Bıyl taǵy da eki uıymdy aýystyrý josparlanyp otyr, sondaı-aq oblystyq kardıologııalyq ortalyqty AQ nysany etip qaıta qurý eskerilgen»,-dedi ákim.

Óńir basshysynyń aıtýynsha, Ult jospary boıynsha densaýlyq saqtaý salasynda jeke medıtsınany damytý qarystyrylýda jáne medıtsınalyq mekemelerde korporatıvti basqarýdy engizý eskerilgen. Búginde oblysta 81 medıtsınalyq uıym qyzmet etýde. Onyń ishinde17 uıym medıtsınalyq qyzmetterdi atqarýǵa memlekettik tapsyrys alyp otyr.