Pavlodar oblystyq aýrýhanasynyń aýmaǵynda jańa ınfektsııalyq bólimshe boı kóteredi
PAVLODAR OBLYSY. QazAqparat – Ǵ.Sultanov atyndaǵy Pavlodar oblystyq aýrýhanasynyń aýmaǵynda ınfektsııalyq bólimshe ashylady. Bul týraly oblystyq máslıhat depýtattaryna esep bergen Pavlodar oblysynyń ákimi Ábilqaıyr Sqaqov málimdedi, dep habarlaıdy QazAqparat.
«Jyl sońyna deıin jeti jarym myń sharshy metrlik aýmaqta 60 tósek-orynǵa shaqtalǵan ınfektsııalyq aýrýhana boı kóteredi. Qazirgi tańda óńirdegi barlyq aýrýhanalar qalypty rejımde jumys jasap jatyr. Bizdiń basty maqsat – indettiń aldyn alyp, onyń órshýine jol bermeý», - dedi Pavlodar oblysynyń ákimi Ábilqaıyr Sqaqov.
Qurylys jumystaryna bıýdjetten 1,1 mlrd teńge bólingen. Bólimshe «Jumyspen qamtý 2020 jol kartasy» baǵdarlamasy aıasynda salynýda. Nátıjesinde 300-den astam adam jumyspen qamtylǵan.
Qurylys jumystaryn merdiger kompanııa jeltoqsan aıynda tapsyrýdy josparlap otyr.
Avtor: Álıhan Asqaruly
