Pavlodar oblysynyń jumyspen qamtý basqarmasyna jańa basshy taǵaıyndaldy
PAVLODAR. KAZINFORM - Óńir ákiminiń ókimimen Samal Qadyrova Pavlodar oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy bolyp taǵaıyndaldy.
Samal Qanatqyzy 1977 jyly týǵan, joǵary bilimdi. Eńbek jolyn 1996 jyly Aqtoǵaı aýdanynyń Qojamjar aýylyndaǵy J. Tilenshın atyndaǵy orta mektepte bastaýysh synyp muǵalimi bolyp bastaǵan.
Memlekettik qyzmettegi eńbek jolyn 2014 jyly oblystyq bilim basqarmasynda bas maman bolyp bastady.
2017 jyldan 2022 jylǵa deıin Ertis aýdanynyń bilim bóliminiń basshysy, Maı aýdany ákiminiń orynbasary, QR Bilim jáne ǵylym mınıstrligi tárbıe jumysy jáne qosymsha bilim berý basqarmasynyń basshysy bolyp jumys istedi.
2022-2024 jyldary Baıanaýyl aýdany ákiminiń orynbasary, Pavlodar oblysy bilim basqarmasy basshysynyń orynbasary qyzmetterin atqardy.
Osy laýazymǵa taǵaıyndalǵanǵa deıin 2024 jyldan bastap Pavlodar oblysynyń jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary bolyp eńbek etken.
Eske sala keteıik, Pavlodar oblysynda úsh basqarmanyń basshysy taǵaıyndaldy.