Pavlodar oblysynyń úzdik ustazdaryna 3,6 mln teńgeden berildi
PAVLODAR. KAZINFORM - Óńirdiń 11 úzdik pedagogy «Pavlodar oblysynyń bilim berý salasyna qosqan úlesi úshin» tósbelgisimen jáne 1000 aılyq eseptik kórsetkish mólsherinde syıaqymen marapattaldy. Buǵan qosa Oqý-aǵartý mınıstrligi eleýli eńbegi úshin óńirdiń 29 muǵalimin Ybyraı Altynsarın medalimen marapattady.
Pavlodar oblysynda Muǵalimder kúnine arnalǵan «Ulaǵat-2024» saltanatty is-sharasy ótti. Óńir basshysy Asaıyn Baıhanov ustazdardy quttyqtap, Pavlodar oblysy bilim sapasy boıynsha árqashan úzdikterdiń qatarynda ekenin atap ótti. Bıyl óńirdiń mektep olımpıadalyq quramasy respýblıkalyq olımpıadada jalpykomandalyq esepte 1-oryn alyp, «Úzdik olımpıadalyq komanda - 2024» ataǵyna ıe boldy.
«Bizdiń aımaq sizder negizgin qalaǵan bilim berý áleýetimen maqtanady. Bizde talanty men kásibıligin oqýshylarynyń jetistikterimen dáleldegen kóptegen daryndy ustazdar bar», - dep atap ótti Asaıyn Baıhanov.
71 ustazǵa oblystyq jáne beıindik nagradalar tabys etildi. «Pavlodar oblysynyń bilim berý salasyna qosqan úlesi úshin» tósbelgisimen jáne 1000 aılyq eseptik kórsetish mólsherindegi syıaqymen 11 pedagog marapattaldy. Buǵan qosa Oqý-aǵartý mınıstrligi eleýli eńbegi úshin óńirdiń 29 muǵalimin Ybyraı Altynsarın medalimen marapattady.
Bilim berý salasynyń birqatar qyzmetkerleri «Oblys aldyna sińirgen eńbegi úshin», «Eńbek ardageri» tósbelgilerin, QR oqý-aǵartý mınıstrliginiń Qurmet dıplomdaryn aldy.
Atap ótý kerek, sońǵy eki jylda oblystyń 76 mektebinde 82 pándik kabınet jańartyldy, 4 mektep pen qosymsha bilim berý ortalyǵy ashyldy, 66 bilim berý nysany jóndeldi.
Eske sala keteıik, Pavlodarda 30 oqýshy halyqaralyq olımpıadalardyń júldegeri atanǵan.
