Pavlodar oblysynyń turǵyndary VIP nómirler satyp alýǵa 324 mln teńge jumsaǵan

PAVLODAR. KAZINFORM- Eń qymbat kólik nómiri shamamen 1,2 mln teńge turady. Azamattar «aına» jáne 7 tsıfrlaryn jıi tańdaıdy.

Byltyr Pavlodar oblysynda aqyly memlekettik tirkeý nómirlerine jumsalǵan shyǵyndar shamamen 35 paıyzǵa ósken.

Eń qymbat kólik nómirleriniń qatarynda 001-den 009-ǵa deıingi sandar, sondaı-aq birdeı sandar men áripteri birkelki tirkeý belgileri bar.

Kólik ıeleri VIP nómirlerin satyp alýǵa jalpy somasy 324 mıllıon teńge jumsaǵan.

- Memlekettik tirkeý belgisiniń quny jyl saıyn ózgerip otyratyn AEK mólsherine baılanysty. Búgingi tańda eń qymbat «ádemi» nómir shamamen 1,2 mıllıon teńge turady, - deıdi «Azamattarǵa arnalǵan úkimet» memlekettik mekemesi» óńirlik fılıalynyń basshysy Asylbek Saparbek.