Pavlodar oblysynyń tsıfrlyq tehnologııalar basqarmasyna jańa basshy taǵaıyndaldy
PAVLODAR. KAZINFORM — Óńir basshysynyń ókimimen Pavlodar oblysynyń tsıfrlyq tehnologııalar basqarmasynyń basshysy bolyp Erdos Júsipov taǵaıyndaldy.
Erdos Janatuly 1989 jyly dúnıege kelgen. Eki joǵary bilimi bar: 2011 jyly Innovatsııalyq Eýrazııa ýnıversıtetin «Jýrnalıstıka» mamandyǵy boıynsha, al 2023 jyly Toraıǵyrov ýnıversıtetin «Computer Science» mamandyǵy boıynsha támamdaǵan. Óńirlik kadr rezerviniń múshesi.
⠀
Eńbek jolyn 2011 jyly «Shahar Press» JShS-de tilshi bolyp bastaǵan. 2014-2023 jyldar aralyǵynda aqparattyq tehnologııalar salasynda túrli laýazymdarda qyzmet atqardy.
⠀
2024 jyldan bastap osy laýazymǵa taǵaıyndalǵanǵa deıin «PetroRetail» JShS-niń Astana qalasy jáne Pavlodar oblysy boıynsha fılıalynda óńirlik menedjer qyzmetin atqardy.
Eske sala keteıik, Pavlodar oblysy ádilet departamentine jańa basshy taǵaıyndaldy.
