Pavlodar oblysynyń tsıfrlyq tehnologııalar basqarmasyna jańa basshy keldi
PAVLODAR. KAZINFORM — Oblys ákiminiń ókimimen Asylbek Ahmetjanov Pavlodar oblysynyń tsıfrlyq tehnologııalar basqarmasynyń basshysy bolyp taǵaıyndaldy.
Asylbek Amantaıuly 1993 jyly dúnıege kelgen. Eki joǵary bilimi bar: 2015 jyly L. N. Gýmılev atyndaǵy Eýrazııa ulttyq ýnıversıtetin «Esep jáne aýdıt» mamandyǵy boıynsha, 2022 jyly Qazaq tehnologııa jáne bıznes ýnıversıtetin «Aqparattyq júıeler» mamandyǵy boıynsha támamdaǵan. 2026 jyly SDU ýnıversıtetinde menedjment magıstri dárejesin aldy.
Memlekettik qyzmettegi eńbek jolyn 2016 jyly bastaǵan. 2016-2019 jyldary beıindi komıtetter men mınıstrlikterde sarapshy jáne bas sarapshy qyzmetterin atqaryp, elektrondyq úkimet pen memlekettik qyzmetterdi damytý baǵytynda qyzmet atqardy. 2019-2021 jyldary tsıfrlyq damý jáne ekologııa mınıstrlikterinde basshylyq laýazymdardy atqardy. 2021-2024 jyldary tsıfrlyq transformatsııa departamenti dırektorynyń orynbasary boldy. 2024-2025 jyldary ónerkásip jáne qurylys, sondaı-aq tsıfrlyq damý mınıstrlikterinde departament dırektory qyzmetin atqardy.
2025 jyldan bastap osy qyzmetke taǵaıyndalǵanǵa deıin Qazaqstan Respýblıkasynyń oqý-aǵartý vıtse-mınıstri qyzmetin atqardy.
Pavlodar oblysynyń aýyl sharýashylyǵy basqarmasyna jańa basshy taǵaıyndalǵany belgili boldy.
