Pavlodar oblysynyń sport basqarmasyna jańa basshy taǵaıyndaldy
PAVLODAR. KAZINFORM - Oblys ákiminiń ókimimen Azamat Imashev Pavlodar oblysynyń dene shynyqtyrý jáne sport basqarmasynyń basshysy bolyp taǵaıyndaldy. Ol buǵan deıin QR Týrızm jáne sport mınıstrliginiń sport jáne dene shynyqtyrý isteri komıteti tóraǵasynyń orynbasary bolyp qyzmet etken.
Azamat Bolatuly 1981 jyly týǵan, joǵary bilimdi. S. Seıfýllın atyndaǵy Aqmola agrarlyq ýnıversıtetin «ekonomıka jáne menedjment» mamandyǵy boıynsha, Akademık E. A. Bóketov atyndaǵy Qaraǵandy memlekettik ýnıversıtetin «dene shynyqtyrý jáne sport» mamandyǵy boıynsha aıaqtaǵan. Ekonomıka jáne bıznes magıstri.
Eńbek jolyn 2002 jyly Astana qalasyndaǵy Karate-do jáne jekpe-jek óneri federatsııasynyń menedjeri bolyp bastaǵan. 2007-2011 jyldary onyń vıtse-prezıdenti boldy.
2012-2022 jyldary Astana qalasynyń olımpıadalyq rezervti daıyndaý ortalyǵynyń jattyqtyrýshysy, Astana qalasynyń buqaralyq-sporttyq is-sharalardy ótkizý dırektsııasynyń basshysy, Astana qalasynyń №7 BJSM dırektory bolyp eńbek etti.
2022-2024 jyldary - Astana qalasynyń sportty damytý dırektsııasy dırektorynyń orynbasary.
Osy laýazymǵa taǵaıyndalǵanǵa deıin 2024 jyldyń sáýirinen bastap QR týrızm jáne sport mınıstrliginiń sport jáne dene shynyqtyrý isteri komıteti tóraǵasynyń orynbasary bolyp jumys istedi.
Eske sala keteıik, Pavlodar aýdanyna jańa ákim taǵaıyndaldy.