Pavlodar oblysynyń sot ókilderi tabysyn jasyryp, kirisi týraly tolyq málimet bermegen

PAVLODAR. KAZINFORM — Pavlodar oblysynyń sot ókilderi salyq deklaratsııasyn tapsyrý kezinde kirisi týraly tolyq málimet bermegen. Bul týraly oblystyń prokýratýrasy málimdedi.

Óńir prokýratýrasy sot ókilderiniń salyq mindettemelerin ýaqtyly jáne tolyq oryndaýyna taldaý júrgizdi. Nátıjesinde zańgerler memleket qazynasyna jeke tabys salyǵyn tolyq kólemde tólemegeni anyqtaldy.

— Deklaratsııa tapsyrǵan kezde olar barlyq tabysyn kórsetpegen. Oblystyń Memlekettik kirister departamentine zań buzýshylyqty joıý týraly usynys engizildi. Memlekettik kirister organdary júrgizgen kameraldyq baqylaý nátıjesinde bıýdjetke 1,9 mıllıon teńge salyq tústi, — dep atap ótti Pavlodar oblysynyń prokýratýrasy.

Aıta keteıik, Salyq kodeksin engizý jónindegi jobalyq keńse 60 máseleni qarastyrdy.