Pavlodar oblysynyń shalǵaıdaǵy aýylynda 44 jasar áıel habar-osharsyz joǵalyp ketti
PAVLODAR. KAZINFORM - Maı aýdany Malaısary aýylynyń 44 jasar turǵyny 6 sáýirde úıinen shyǵyp ketip qalǵan. Onyń sóıleý kemistigine baılanysty 2-shi toptaǵy múgedek ekeni anyqtaldy.
Qazirgi ýaqytta polıtsııa men eriktiler, sondaı-aq ózge de azamattar Malaısary aýylynyń 44 jastaǵy turǵyny Janar Ámirǵalıqyzy Soltandy izdestirip jatyr.
«7 sáýirde J.Soltannyń anasy qyzynyń kesheden beri úıge oralmaǵanyn aıtyp, polıtsııaǵa júgingen. Buryn qyzy mundaı qylyq jasamaǵan. Jedel ýákilder dereý barlyq aýmaqtyq polıtsııa bólimshelerine jáne jaqyn mańdaǵy oblystarǵa 44 jasar turǵynnyń joǵalǵany jaıly baǵdar jiberdi. Jaqyn mańdaǵy aýyldarda, jaıylymdar men shalǵyndy jerlerde, Ertis ózeniniń jaıylmasynda izdeý júrgizilýde. Týystary men kórshilerinen, tanystarynan, vokzaldar men avtojoldar mańaıynan suraý salynyp jatyr», - dep málimdedi oblystyq polıtsııa departamentinen.
Joǵalǵan azamatshanyń boıy shamamen 165-170 sm, dene bitimi aryq, shashy sırek, sóıleý kemistigine baılanysty 2-shi toptaǵy múgedektigi bar. Úıinen keterinde ústinde qara kúrteshesi, tizege deıin qyzyl tústi ıýbkasy, basynda kók tústi qalpaǵy, aıaǵynda kók tústi galosh bolǵan.
Tártip saqshylary atalǵan janǵa qatysty qandaı da bir aqparat bolsa, 102 nemese 8 (7182) 39-12-32 telefon nómirlerine qońyraý shalýdy suraıdy.
Eske sala keteıik, buǵan deıin Ekibastuzda balyq aýlaýǵa shyqqan er adam sýǵa batyp ketti.
Joǵalyp ketken pavlodarlyq qylmys jasady degen kúdikpen qamaýǵa alyndy.
