Pavlodar oblysynyń halqy táýligine 74 myńnan astam bólke nan tutynady

PAVLODAR. KAZINFORM — Oblys boıynsha 69 naýbaıhana men 31 kondıterlik tseh bar. Olar aıyna 2,2 mln bólke nan pisiredi. 

Óńirlik aýyl sharýashylyǵy basqarmasynyń dereginshe, óńir halqy kúnine dúkenderden 74, 3 myń bólke nan satyp alady.

— Oblysymyz boıynsha nanǵa ortasha aılyq qajettilik — 1 mln 852 myń bólke. Onyń ishinde 1,2 myń tonnasy formalanǵan nan. Keıde aıyna 2 mln 230 myń bólke nan pisiriledi. Aımaqta 69 naýbaıhana men 31 kondıterlik tseh bar, olardyń barlyǵy kúndelikti nan pisirýmen aınalysady. 2025 jylǵy qańtar-tamyz aralyǵynda jańa pisken nan óndirisi 11 274 tonna. Bul ótken jyldyń sáıkes kezeńimen salystyrǵanda 4,8%-ǵa kóp. Osyǵan qaraǵanda turǵyndar tarapynan nan ónimderin tutyný ósken, — dep habarlady basqarmadan.

Formalanǵan nannyń táýliktik qajettiligin óndirý úshin 29,7 tonna bıdaı uny qajet.

Eske sala keteıik, Pavlodarda turaqtandyrý qoryna 10 myń tonna kartop pen 3 myń tonna sábiz salynady.