Pavlodar fermerleri bir jarym jylǵa jetetin shóp shaýyp aldy

PAVLODAR. KAZINFORM – Pavlodar oblysynda 2 mln tonnaǵa jýyq shóp daıyndaldy.

Bul shamamen 1,5 jylǵa jetedi. Kúzdiń jyly bolyp turýy keıbir sharýashylyqtar úshin shabyndyqtarǵa eki ret shalǵy túsirýge múmkindik týdyrǵan.

Ertis-Baıan óńirindegi shabyndyqtardyń jalpy aýmaǵy 1,57 mln tektardan asady. Qazirgi ýaqytta aımaqta 1,66 mln gektar jerden mal azyǵy shabyldy. Bul keıbir shabyndyqtardy ekinshi qaıtara shabýdyń jáne shabyndyqqa tıimdi jańa alańdardyń paıda bolýy esebinen múmkin bolyp otyr.

- Bıyl oblystaǵy qystaqtarǵa 405 myń mal kiredi degen boljam bar. Olardyń bir jyldyq azyǵy úshin shamamen 1,2 mln tonna shóp kerek. Fermerlerimiz bıyl bir jarym jyldyq qor – 1,87 mln tonna shóp daıyndady. Qysta mal ıeleri qıyndyq kórmeýi kerek dep oılaımyz,-deıdi Pavlodar oblysy aýyl sharýashylyǵy basqarmasynyń ósimdik sharýashylyǵyn damytý bóliminiń basshysy Esentaı Múrsálimov.

Qazirgi ýaqytta shabylǵan mal azyǵy qystaqtarǵa tasylyp jatyr. Shamamen 1,5 mln tonna shóp jetkizilgen.

Buǵan deıin Ertis-Baıan óńirindegi shabyndyqtarda shóptiń shyǵymdylyǵy ár gektardan 8,9 tsentnerden aınalyp jatqany týraly jazǵanbyz.