Pavlodar oblysynyń eldi mekenderinen 753 myń tonna qar shyǵaryldy
PAVLODAR. KAZINFORM - Oblys boıynsha kóktemgi sý tasqynynyń aldyn alý úshin barlyǵy 2386 adam men 763 tehnıka toptastyrylǵan.
Pavlodar oblysynda «Kóktem-2025» komandalyq-shtabtyq oqý-jattyǵýy ótkizildi. Tótenshe jaǵdaılar jónindegi oblystyq komıssııanyń jáne basqa da múddeli organdardyń qatysýymen otyrys ótkizilip, negizgi máseleler naqtylandy. Baıanaýyl aýdanynyń ákimdiginde jedel shtab quryldy.
- Q.Sátbaev aýylynda jyljymaly basqarý pýnktin, qurama evakýatsııalyq pýnktti ornalastyrý is júzinde pysyqtaldy. Budan bólek, halyqty evakýatsııalaý, qar shyǵarý (1452 tekshe metr qar shyǵaryldy), qapshyqtardy tóseý, erigen sýdy sorý jáne maldy qaýipsiz oryndarǵa aıdaý boıynsha is-sharalar atqaryldy. Oblys boıynsha 40-qa jýyq praktıkalyq is-sharalar ótkizildi. Qatysýshylar qar shyǵarý, topyraq úıindileri men bógetterdi nyǵaıtý, sý ótkizý qubyrlaryn tazartý, sý burý arnalaryn jaılastyrýdy júzege asyryp, evakýatsııalyq pýnktter tekserildi jáne evakýatsııalaý marshrýttary pysyqtaldy. Jalpy qys mezgiliniń basynan oblystyń eldi mekenderinen 753 myń tekshe metr qar shyǵaryldy, - dep habarlady óńirlik Tótenshe jaǵdaılar departamentiniń baspasóz qyzmetinen.
Oqý-jattyǵýǵa 302 birlik tehnıka men 635 adam jumyldyrylǵan. Tótenshe jaǵdaılar qyzmetkerlerimen qatar, jergilikti atqarýshy organdar, polıtsııa, jedel járdem qyzmetkerleri jáne eriktiler tartylǵan.
Eske sala keteıik, Ertis ózenine sý jiberýge daıyndyq sharalary bastaldy.