Pavlodar oblysynyń birqatar aýylynda úılerdi sý basty
PAVLODAR. KAZINFORM – Pavlodar oblysyna qarǵyn sý qaýip tóndirip turǵan 10 ýchaske aıryqsha baqylaýǵa alyndy. Aýyldyq jerlerde 6 jeke úıge sý kirgen.
Pavlodar oblysy ákiminiń baspasóz qyzmeti habarlaǵandaı, 29 naýryz kúni saǵat 21.00-degi jaǵdaı boıynsha, Aqsý qalasynda, Pavlodar, Aqtoǵaı, Ertis, Maı, Ýspen, Jelezın aýdandarynda, sondaı-aq, Aqqýly aýdanynda 10 ýchaske baqylaýda tur. Bul jerlerde jalpy sany 12 úıdi sý basý qaýpi saqtalyp otyr.
«Qazirgi ýaqytta jergilikti jerlerde sýdy soryp shyǵarý, ınertti materıal tóseý jáne t. b. jumystar júrgizilip jatyr. Oblysta 6 turǵyn úıdi sý basty, olar Aqtoǵaı aýdanynyń Jalaýly aýylynda, Ýspen aýdanynyń Ýspen, Voznesenka, Beloýsovka aýyldarynda, Pavlodar aýdanynyń Rozovka aýylynda jáne Aqqýly aýdanynyń Qazy eldi mekeninde ornalasqan», - dep málimdedi baspasóz qyzmetinen.
Oblys boıynsha sý tasqynyna qarsy is-sharalarǵa 243 adam, 78 arnaıy tehnıka, 22 motopompa, 2 júzý quraly jumyldyryldy. Jumystar táýlik boıy júrgizilip jatyr. Barlyǵy 34,4 myń tekshe metr sý soryp shyǵarylǵan. Qutqarýshylar men jergilikti atqarýshy organdardyń ókilderi qaýipte ýchaskelerde 880 qap ınertti materıal tósep, 320 tonna ınertti materıal tókken.
Pavlodar oblysynyń ákimi Asaıyn Baıhanov jazǵandaı, jalpy, óńirde sý basý qaýpi bar 20-ǵa jýyq eldi meken kúndelikti baqylaýda. Olardyń ishindegi eń kúrdelisi - Rozovka aýyly.
«Búgin jumystardyń barysyn, tehnıkanyń, kúshter men quraldardyń bolýyn baqylaý úshin aýylǵa baryp keldim. Daladaǵy sýdyń basym bóligi aǵyp ótti, biraq, áli de kelip jatyr. Onyń kóleminiń ulǵaıý qaýpi bar, óıtkeni, jańbyr jaýady dep kútilip otyr. Erteń TJD-men birlesip is-qımyl josparyn qurý, qardyń erý aýqymyn baǵalaý jáne sý basý qaýpi joǵary ýchaskelerdi belgileý úshin oblystyń aýyldaryn ushaqpen aralap ótýdi josparlap otyrmyn», - dep jazdy óńir basshysy.
Al Pavlodar oblysy Polıtsııa departamentiniń baspasóz qyzmeti habarlaǵandaı, Rozovka jáne Efremovka aýyldarynda jalpy sany 981 aýlanyń 74-ine sý kirgen. Efremovka aýylynan 2 adam evakýatsııalanyp, týystaryna ornalastyryldy, mal qaýipsiz jerge shyǵaryldy. Tártip saqshylary qutqarýshylarmen birge sý tasqynyna qarsy is-sharalarǵa belsene aralasyp jatyr.
