Pavlodar oblysynyń alty turǵyny aýa raıynyń qolaısyzdyǵynan jaraqat aldy
ASTANA.KAZINFORM - 33 jastaǵy Pavlodar turǵyny daýyldan alǵan jaraqattarynan aýrýhanaǵa jatqyzyldy, al Qudaıkól aýylynan bes adam ambýlatorııalyq em qabyldady.
Áleýmettik jelilerde taraǵan aqparatqa sáıkes, Pavlodar oblysynyń birneshe turǵyny qolaısyz aýa raıy saldarynan jaraqat aldy.
Pavlodar oblystyq jedel járdem qyzmeti sońǵy 24 saǵat ishinde 103 jedel járdem qyzmetine qolaısyz aýa raıyna baılanysty eki qońyraý túskenin habarlady - bireýi Pavlodar qalasynan, ekinshisi Qudaıkól aýylynan.
-Pavlodarda 1993 jylǵy er adam naızaǵaı kezinde aǵashtyń butaǵy qulap, basynan jaraqat aldy. Ol Pavlodar qalalyq №1 aýrýhanasyna jetkizildi, - dep habarlady qyzmet.
Qudaıkól aýylynda bes adam jaraqat aldy. 19 jastaǵy qyzdyń oń qoly syrylyp, kógergen. 47 jastaǵy er adam men 15 jastaǵy bala da oń qolynan jaraqat alǵan. Aýa raıynyń qolaısyzdyǵynan taǵy eki 16 jastaǵy jasóspirim birneshe jerinen usaq jaraqat alǵan.
Aıta keteıik, buǵan deıin Aqtóbedegi daýyl kezinde 300-ge jýyq nysan búlingen bolatyn.
