Pavlodar oblysynda kólik qozǵalysyna shekteý qoıyldy

ASTANA. KAZINFORM — «QazAvtoJol» Pavlodar oblysynda kólik qozǵalysy shektelgenin habarlady.

— 2025 jylǵy 22 qarashada saǵat 00:30-da Pavlodar oblysynda kólik aıryǵy qondyrmasynyń shetki arqalyqtarynyń zaqymdalýyna baılanysty «Astana-Shiderti-Pavlodar-Ýspenka-RF shekarasy» avtojolynda (Qalqamanǵa kireberis pen Astana qalasyna shyǵý baǵyty) kóliktiń barlyq túrleri úshin qozǵalysqa ýaqytsha shekteý engizildi, — delingen habarlamada.

Ázirge Qalqaman eldi mekeninen Astana qalasyna Bereke «Qalqaman-Aqsý» kólik aıryǵy arqyly jáne Pavlodar qalasynan Qalqamanǵa «Baıanaýyl» kólik aıryǵy arqyly jetýge bolady. 

Táýliktiń kez kelgen ýaqytynda 1403 baılanys ortalyǵy arqyly qosymsha aqparat alýǵa múmkindik bar. 

Osyǵan deıin Astana men taǵy 15 óńirde aýa raıyna baılanysty eskertý jarııalaǵanyn habarladyq.