Pavlodar oblysyndaǵy jol belgileriniń 12 paıyzy standarttarǵa saı bolmaı shyqqan

PAVLODAR. KAZINFORM - Jol aktıvteriniń ulttyq sapa ortalyǵy byltyr Pavlodarda 522 jol belgisin tekserip, onyń 61-i talapqa saı emes ekenin anyqtaǵan. Olardyń kóbi túnde jaryqqa shaǵylyspaıtyny belgili bolǵan.

Павлодар облысындағы жол белгілерінің 12 пайызы стандарттарға сай болмай шыққан
Фото: Мақсат Шағырбаев/ Kazinform

Óńirdegi avtojoldardyń boıyndaǵy jol belgileri arnaıy qurylǵynyń – reflektordyń kómegimen tekserilgen. Ulttyq sapa ortalyǵy sońǵy bir jylda 522 jol belgisin qarap shyqqan.

– 61 jol belgisi memlekettik standarttarǵa saı kelmeıtini belgili boldy. Qazirgi tańda talapqa saı emes belgiler aýystyryldy, - dep habarlady Ulttyq sapa ortalyǵynyń mamandary.

Budan bólek 264 kılometr joldyń aq jolaqtary da tekserildi. Munda standarttan aýytqýshylyq anyqtalǵan baıqalmaǵan.

– Jaryq túsken kezde jol belgileri jarqyrap kórinýi kerek – bul mańyzdy tehnıkalyq kórsetkish. Kóptegen jol-kólik apattary belgilerdiń durys kórinbeýinen bolady. Ásirese túngi ýaqytta joldaǵy qaýipsizdik úshin belgiler asa mańyzdy, - deıdi ortalyq ınjeneri Qýanyshbek Rahmanberdıev.

Eske sala keteıik, Pavlodarda jol-kólik apatynan eki adam qaza tapty. 

Сейчас читают