Pavlodar oblysyndaǵy tabıǵı órt sóndirildi
PAVLODAR. KAZINFORM - Pavlodar oblysynyń Baıanaýyl aýdany aýmaǵyndaǵy tabıǵı órt sóndirildi. Qazir órttiń aýdany anyqtalyp jatyr. Bul týraly QR Tótenshe jaǵdaılar mınıstrliginen habarlady.
Baspasóz qyzmetiniń habarlaýynsha, Baıanaýyl aýdany Kúrkeli aýyldyq okrýginiń ákimi Álibek Sapabekov Jeltaý aýylynan qaýipsiz jerge kóshirilgen turǵyndar úılerine orala bastaǵanyn jetkizdi. Biraq ázirshe eldi mekennen evakýatsııalanǵan 18 adamnyń nesheýi qaıtyp oralǵany týraly naqty derek joq. Órtke baılanysty shtab jumys istep, tikushaqtar barlaý jumystaryn júrgizip jatyr.
Jumat Shanın aýylynda qazirgi sátte evakýatsııalyq pýnkt jumys istep tur. Eriktiler men jergilikti máslıhat depýtattary qutqarýshylarǵa azyq-túlik, qajetti zattaryn jetkizip bergen.
Eske sala keteıik, 6 qazan kúni Baıanaýylda dalalyq aımaqtan órt shyǵyp, bir aýyldyń turǵyndary qaýipsiz aýmaqqa kóshirildi.
Al 7 qazan kúni túske taman Pavlodar oblysynyń ákimi Baıanaýyldaǵy órttiń oqshaýlanǵanyn habarlady.
Keshegi derek boıynsha Baıanaýylda órt shalǵan jerlerdiń aýmaǵy 10 myń gektarǵa jetken.
