Pavlodar oblysyndaǵy órtten eki bala qaza tapty

ASTANA.KAZINFORM — Oblystyq tótenshe jaǵdaılar departamenti Irtyshsk aýylyndaǵy jeke úıde órt shyqqanyn habarlady, dep habarlaıdy Kazinform.

Qońyraý búgin tańǵy saǵat 8:33–te tústi. Órt sóndirýshiler oqıǵa ornyna úsh mınýt ishinde jetti.

— Kelgen boıda úıdiń tolyǵymen jalynǵa oranǵany anyqtaldy: jıhaz, turmystyq zattar jáne shatyr janyp, qalyń tútin baıqaldy. Qıyn jaǵdaıǵa qaramastan, órt sóndirýshiler alǵashqy mınýttardan bastap zardap shekkenderdi izdeı bastady, — dep habarlady Pavlodar oblystyq tótenshe jaǵdaılar departamenti.

Qutqarýshylar órtten úsh balany alyp shyqty, al taǵy bireýi órt sóndirýshiler kelgenge deıin qutqaryldy.

— 50 sharshy metr aýmaqty sharpyǵan órt sóndirildi. Órttiń sebebi anyqtalyp jatyr, — dep qosty oblystyq tótenshe jaǵdaılar departamenti.