Pavlodar oblysyndaǵy kómir kenishinde 42 jastaǵy jumysshy qaza tapty
PAVLODAR. KAZINFORM - Baıanaýyl aýdanyndaǵy «Maıkúben Vest» AQ aýmaǵynda burǵylaý-jarý jumystary kezinde 1984 jylǵy taý-ken sheberi aýyr jaraqat alyp, kóz jumǵan. Eńbek ınspektsııasy qaıǵyly oqıǵa boıynsha tergeý-tekserý jumystaryn júrgizip jatyr.
Bul týraly Pavlodar oblysy boıynsha memlekettik eńbek ınspektsııasy departamentinen habarlady.
— Jazataıym oqıǵa 2026 jylǵy 24 shilde kúni Baıanaýyl aýdanyndaǵy «Maıkúben Vest» AQ aýmaǵynda tirkelgen. Aldyn ala málimet boıynsha, burǵylaý-jarý jumystaryn júrgizý kezinde 1984 jyly týǵan taý-ken sheberi aýyr jaraqat alyp, saldarynan qaza tapqan, — dep málimdedi memlekettik eńbek ınspektsııasy departamenti basshysynyń orynbasary Abylaı Sabyrov.
Eńbek ınspektsııasynyń mamandary qazirgi ýaqytta jazataıym oqıǵany tergep-tekserý jumystaryn uıymdastyryp jatyr. Oqıǵanyń mán-jaıy men sebepteri anyqtalyp jatyr.
Eske sala keteıik, Aqmola oblysynda 18 jastaǵy jigit tokqa túsip qaza tapty.
