Pavlodar oblysyndaǵy qoǵamdyq uıymdar 227 mln teńge tapsyrys alǵan

PAVLODAR. KAZINFORM - Ertis-Baıan óńirinde 762 úkimettik emes uıym tirkelse, onyń 100-ge jýyǵy belsendilik tanytyp otyr.

Jergilikti qoǵamdyq uıymdar azamattyq qoǵamdy damytý, halyqtyń osal áleýmettik toptaryn qoldaý, sybaılas jemqorlyqqa qarsy is-sharalar, otbasylyq-genderlik saıasatty damytý, qandastarǵa jáne ońtústik óńirlerden kelgen tulǵalarǵa túsindirý jumystaryn júrgizý, patrıottyq sanany qalyptastyrý, jastar saıasatyn, ekologııalyq mádenıet, sport jáne t.b. salalardy damytý baǵytyna shoǵyrlanǵan.

- Jalpy sany 762 úkimettik emes uıym tirkelse, onyń shamamen 100-ge jýyǵy ǵana belsendi jumysymen kózge túsip otyr. Uıymdar kóbi Pavlodar, Ekibastuz, Aqsý qalalarynda ornalasqan. Ulttyq tárbıe, mádenıet pen ónerdi nasıhattaý salasyndaǵy «Senimen bolashaq» QB, «JEBE PAVLODAR» QB, «Nur-ana álemi» QB, «Kenjekól jastary» QB, «Qazaq analary- dástúrge jol» QB sııaqty birlestikter nátıjeli is atqarýda, - deıdi óńirlik aqparat jáne qoǵamdyq damý basqarmasynyń basshysy Álnur Seıdýmanov,

Qoǵamdyq uıymdar byltyr 212,8 mln teńge, bıyl 227 mln teńge áleýmettik memlekettik tapsyrysqa ıe bolǵan.

ÚEU-dar memlekettik baǵdarlamalardy júzege asyrýǵa óz úlesterin qosýda. Atap aıtqanda azamattyq belsendilikti damytý, qaıyrymdylyq is-sharalaryn júrgizý, ekologııalyq máselelerdi kóterý, qazaq halqynyń salt-dástúrlerin nasıhattaý, ultaralyq kelisimdi nyǵaıtý jáne basqa da kóptegen máselelerdi sheshýge ózderiniń qomaqty úlesin qosyp keledi.

Eske sala keteıik, Perızat Qaırattyń «Biz birgemiz Qazaqstan 2030» qoǵamdyq birlestigi taratyldy.