Pavlodar oblysyndaǵy eń iri astyqty aýdanǵa jańa ákim taǵaıyndaldy
PAVLODAR. KAZINFORM — Nyǵman Júsipov Ertis aýdanynyń ákimi bolyp taǵaıyndaldy. Jańa basshy aýdan aktıviniń otyrysynda tanystyryldy.
Merıtokratııa qaǵıdaty boıynsha jáne QR Prezıdenti Ákimshiliginiń, aýdandyq máslıhat depýtattarynyń kelisimimen, óńir basshysynyń ókimimen Nyǵman Júsipov Ertis aýdanynyń ákimi bolyp taǵaıyndaldy.
Nyǵman Mútálápuly 1978 jyly 12 qarashada Ertis aýdanynyń Severnoe aýylynda dúnıege kelgen. Eki joǵary bilimi bar. Eńbek jolyn týǵan aýdanynda tarıh pániniń muǵalimi bolyp bastaǵan. Memlekettik qyzmet ótili 10 jyldan asady. 2020 jyldan bastap Ertis aýdany ákiminiń orynbasary qyzmetin atqardy.
Oblys basshysy Asaıyn Baıhanov jańadan taǵaıyndalǵan ákimniń aldyna birqatar mindetter qoıdy.
— Sýarmaly jerlerdiń kólemin odan ári ulǵaıtý boıynsha jumysty jalǵastyrý qajet. Ol úshin sizde úsh jaqsy joba bar: «Ertis», «Trı K», «Sanjar». Agroónerkásiptik keshenge tartylǵan ınvestıtsııalar kólemi boıynsha aýdan 2-orynda. Investıtsııa tartý jáne jańa jumys oryndaryn ashý boıynsha jumystardy jalǵastyrýdy tapsyramyn, — dedi óńir basshysy.
Sondaı-aq, kelesi jyly «Zapadnoe» ShQ et óńdeý keshenin jáne Ertis aýylyndaǵy saýda ortalyǵyn paıdalanýǵa berý qajet. «Aýyl — el besigi» jobalary, 40,7 km joldy asfalttaý boıynsha jumystardyń sapasy jáne aýdannyń shalǵaıdaǵy 9 aýylynda ınternetke qol jetkizý máselelerin sheshý turaqty baqylaýda tur.
— Aıtyp óteıik, Ertis aýdany — egis alqaptary boıynsha oblystaǵy kóshbasshylardyń biri. Aýdanda 3 oblystyq jáne 6 kirme jol, 17 kóshe asfalttaldy, 3 sý qubyry salyndy, Qostomar aýylyndaǵy kópir jóndelip, baalalar mýzyka mektebi men 3 mádenıet úıi kúrdeli jóndeýden ótti, Ertis aýdan ortalyǵynda sport kesheni salyndy, 10-nan astam balalar men fýtbol alańdary jabdyqtaldy. Sondyqtan, Bolatbek Kárimuly jańa laýazymda joǵary jumys deńgeıin kórsetetinine senimdimin, — dedi oblys ákimi.
Eske sala keteıik, Ertis aýdanyn buǵan deıin basqaryp kelgen Bolatbek Sháripov Aqsý qalasynyń ákimi bolyp taǵaıyndaldy.Foto: Valerıı Býgaev
