Pavlodar oblysynda zırattar tsıfrlanyp jatyr
PAVLODAR. KAZINFORM - Zırat basyndaǵy qulpytastar sýretke túsirilip, arnaıy platformaǵa engiziledi. Jobaǵa óńir boıynsha 20-ǵa jýyq musylman zıraty qosylady dep josparlanǵan.
Musylman zırattaryndaǵy qulpytastardy tsıfrly júıege engizý buǵan deıin Astana jáne Shymkent qalalarynda júrgizilgen. Endigi kezekte birneshe oblyspen birge Pavlodar óńirinde de qolǵa alynyp jatyr. Biryńǵaı platforma bolashaqta týys-týǵandaryńyzdyń jerlengen jerin izdegen ýaqytta yńǵaıly bolady.
«Bizdiń eriktiler zırattyń basyndaǵy qulpytasty fotoǵa túsirip, bazaǵa engizedi. Qulpytasy bar aty-jónder platformada turady. Al jazýy óship qalǵan qulpytastar men aty jazylmaǵan qabirlerdi anyqtaý úshin zırat basyndaǵy shyraqshylarmen jumystar júrgiziledi», deıdi «Qamqor-Shapaǵat» ortalyǵynyń dırektory Meırambek Qabylbekuly.
Ázirge Pavlodar oblysy boıynsha 20-ǵa jýyq musylman zıraty júıege qosylady.
Budan bólek, «Qamqor-Shapaǵat» ortalyǵynyń bastamasymen «Jerleý» qosymshasy qoldanysqa engizilmek. Onda jerleý, as berý, jerleý orny, qaıtys bolǵany týraly anyqtamalar alýǵa bolady. Osylaısha zırat kóterýde birizdilik mádenıeti qalyptasady.
