Pavlodar oblysynda júkti bolǵan oqýshynyń oqıǵasyna qatysty tekserý júrip jatyr - mınıstrlik

Oqý-aǵartý vıtse-mınıstri Edil Ospan Pavlodar oblysynda negizsiz jaýapqa tartylǵan muǵalimderge túsinik berdi, dep habarlaıdy Kazinform.

Aıta keteıik, jeltoqsan aıynyń basynda Pavlodar oblysyndaǵy aýdandardyń birinde segizinshi synyptyń oqýshysy ógeı ákesinen júkti bolǵany habarlandy.

Bul jaǵdaıdy birinshi bolyp qyzdyń muǵalimderi baıqap qalyp, osy jaıynda anasyn habardar etken. Oqýshynyń ógeı ákesi ustalyp, qamaýǵa alyndy. Keıinnen balanyń ómirin durys baqylamaǵany úshin muǵalimderge qatań sógis túrinde jaza berilgen. ıAǵnı oqýshynyń júktiligi týraly jasyrmaǵan pedagogtar men mektep dırektory negizsiz jazalanǵany anyqtaldy. Jaqynda bilim berý uıymynyń qyzmetkerlerine qatysty zańsyz salynǵan tártiptik jazanyń kúshi joıylǵany belgili boldy.

«Pedagogtardy jazalaý týraly sheshim tym asyǵys jasaldy dep sanaımyz. Aldymen máseleniń mán-jaıyn muqııat tekserip alý kerek edi. Sondyqtan olar bolǵan jaǵdaıdy tekserip, sodan keıin ǵana sheshim qabyldaýy tıis. Eger bul jaǵdaıda bilim berý qyzmetkeriniń kinási bar bolsa, onda zańnamaǵa sáıkes qaralýy qajet», - dedi E.Ospan Senattyń jalpy otyrysynan keıin tilshiler suraǵyna jaýap bere otyryp.

Onyń aıtýynsha, mundaı sheshimdi Pavlodar oblysynyń bilim basqarmasy shyǵarǵan.

Tilshiler vıtse-mınıstrden «osy oqıǵadan keıin muǵalimder mundaı faktilerdi habarlaýdan qorqýy múmkin be?» dep surady.

«Qorqýǵa bolmaıdy. Qalaı bolǵanda da, muǵalimder qoryqpaıdy dep oılaımyn. Bilim berý basqarmasy qyzmetkeri jaǵynan zań talaptaryn buzý derekteri bolsa, ony anyqtaımyz. Qazir tekserý júrip jatyr», - dedi vıtse-mınıstr.

Sonymen qatar ol qylmysty anyqtaýǵa kómektesken ustazdy marapattaý múmkindigine qatysty pikir bildirdi.

«Aldymen quzyrly memlekettik organdardyń tekserýi aıaqtalǵanyn kúteıik. Onyń qorytyndysy boıynsha sheshim jasalady», - dep naqtylady Edil Ospan.