Pavlodar oblysynda joldar jabylýy múmkin: júrgizýshilerge eskertý jasaldy
ASTANA. KAZINFORM — 7–8 qarashada Pavlodar oblysynda aýa raıy kúrt buzylyp, qar túsýi yqtımal. Jańbyr, kóktaıǵaq jáne sekýndyna 15–20 metrge deıin jetetin jel kútiledi. «QazAvtoJol» júrgizýshilerdi saq bolýǵa shaqyryp, respýblıkalyq mańyzy bar joldar jabylýy múmkin ekenin eskertti.
Jol kompanııasy júrgizýshilerden jolda abaı bolýdy ári jol erejelerin qatań saqtaýdy surady.
— Qysqy kezeńniń bastalýyna baılanysty avtomobılderdi qysqy shınalarmen jabdyqtaýlaryńyzdy suraımyz. Sondaı-aq aýa raıynyń buzylýyna baılanysty Pavlodar oblysy boıynsha respýblıkalyq mańyzy bar avtomobıl joldary jabylýy múmkin ekendigin habarlaımyz, — dep eskertti.
Aıta keteıik, búgin sınoptıkterdiń boljamynsha, Qazaqstannyń basym bóliginde jańbyr men qar jaýady. Keı óńirlerde jel kúsheıip, tuman túsedi. Al soltústik pen batysta joldarda kóktaıǵaq bolýy múmkin.
