Pavlodar oblysynda jolaýshylar avtobýsy aýdarylyp, bir adam qaza tapty
ASTANA. KAZINFORM — Pavlodar oblysynda jolaýshylar mingen avtobýs aýdarylyp, bir jolaýshy qaza taýyp, altaýy jaraqat alǵan. Bul týraly Pavlodar oblysy PD baspasóz qyzmeti habarlady.
Polıtsııa jol-kólik oqıǵasy boıynsha qylmystyq isti tergep jatyr.
— Aldyn ala málimetke sáıkes, 7 qarasha kúni «Pavlodar–Qyzylorda» avtojolynda, Shiderti kentinen 10 km jerde reıstik avtobýs jol jıegine aýdarylyp qalǵan, — delingen habarlamada.
Oqıǵanyń mán-jaıy men sebepteri tergeý barysynda anyqtalatyn bolady.
— Polıtsııa departamenti jol-kólik oqıǵalarynyń aldyn alý úshin jol qozǵalysyna qatysýshylarǵa jol júrý erejelerin, jyldamdyq rejımin qatań saqtaýdy, ásirese qozǵalysy qarqyndy ýchaskelerde, kólik quraldarynyń tehnıkalyq jaǵdaıyn qadaǵalaýdy jáne aýa raıynyń ózgerýin eskerýdi eske salady, — delingen habarlamada.
Aıta ketelik Semeıden Pavlodarǵa bet alǵan 50 avtokólik boranda jolǵa shyǵa almaı turǵany týraly jazǵan edik.