Pavlodar oblysynda jol apatynan 4 adam qaza tapty

PAVLODAR. KAZINFORM – JKO faktisi boıynsha qylmystyq is qozǵaldy. Bul týraly Pavlodar oblysy Polıtsııa departamentiniń baspasóz qyzmeti habarlady. 

19 sáýirde Baıanaýyl aýdany Birlik aýylynyń mańynda «Qalqaman-Kerneı» avtojolynyń 250-shi shaqyrymynda Pontiac jáne Lada Granta avtomobılderi soqtyǵysqan.

Aldyn ala málimetter boıynsha, apattyń sebebi avtomobılderdiń biri qarsy qozǵalys jolaǵyna shyǵyp ketken.

— Apat saldarynan eki júrgizýshi de, eki jolaýshy da, onyń ishinde jas bala da sol jerde qaza boldy. Ártúrli jaraqattary bar taǵy bir kámeletke tolmaǵan bala aýrýhanaǵa jetkizildi, — delingen habarlamada. 

Osy fakti boıynsha qylmystyq is qozǵaldy. Oqıǵanyń mán-jaıy anyqtalyp jatyr.

— Pavlodar oblysynyń Polıtsııa departamenti jol qozǵalysynyń barlyq qatysýshylaryna jol júrý erejelerin qatań saqtaýǵa shaqyrady, — delingen habarlamada.

Aıta ketelik keshe Pavlodar-Astana jolynda balalar mingen avtobýs aýdarylyp, jattyqtyrýshy kóz jumǵan edi.