Pavlodar oblysynda joǵalyp ketken bir úıir jylqy tabyldy

Pavlodarlyq polıtseıler joǵalǵan úıir jylqyny tapty, mal ıeleri bir apta boıy 45 jylqyny óz betterimen izdegen, dep habarlaıdy Kazinform Pavlodarnews.kz tilshisine silteme jasap.

Artynsha sharýa qojalyǵynyń basshysy, Merǵalym aýylynyń turǵyny oblystyq ishki ister departamentine júginedi.

Jylqylardyń jalpy quny 21 mıllıon teńgeni quraıdy.

Jedel izdestirý sharalary barysynda bólim bastyǵynyń birinshi orynbasary Narıman Omarhanov pen ýchaskelik polıtsııa ınspektorynyń kómekshisi Jumajan Qunanbaev kórshi oblyspen shekarada joǵalǵan úıirdi tapty. Barlyq jylqylar ıesine qaıtaryldy.

«Malymdy urlap ketti, tabylmaıdy dep oıladym. Polıtsııaǵa habarlasqanymda az-maz úmit paıda boldy. Polıtsııa: «Ýaıymdama, jylqylaryńdy tabamyz» dedi. Іzdeýge atsalysqandardyń barlyǵyna úlken rahmet», - dedi mal ıesi Áset Boranbaev tártip saqshylaryna alǵysyn bildirip.

Narıman Omarhanovtyń aıtýynsha, izdestirý jumystary sońǵy jaıylymnyń mańynda ótip, qardan iz kesken. Bir kúnnen keıin tártip saqshylary joǵalǵan úıirdi taýyp aldy.