Pavlodar oblysynda jylý maýsymy toqtatylady

PAVLODAR. KAZINFORM — Pavlodar oblysynda 20 sáýirden bastap ortalyqtandyrylǵan jylý berý toqtatylady. Pavlodar, Ekibastuz, Aqsý qalalarynda gıdravlıkalyq synaqtar bastalady.

Óńir boıynsha qysqy kezeńde 16 energııa blogy, 22 qazandyq jáne 14 týrbına jumys istep tursa, rezervte 11 qazandyq pen eki týrbına bolǵan. Jylytý maýsymy aıaqtalǵannan keıin aldaǵy qysqa daıyndyq bastalady. Atap aıtqanda, 41 negizgi jabdyqty jóndeý josparlanǵan. Sondaı-aq, 37,4 shaqyrym jylý jelilerin jańartý kózdelip otyr.

— 20-30 sáýir aralyǵynda oblystyń úsh qalasynda gıdravlıkalyq synaqtar ótedi. Jelilerinde zaqymdanýlar nemese aqaýlar anyqtalmaǵan turǵyn úılerde ystyq sý berý synaqtar aıaqtalǵan soń birden qalpyna keltiriledi. Al zaqymdanýlar tabylǵan úılerde ystyq sý jóndeý jumystary aıaqtalǵannan keıin qosylady, — dep habarlady Pavlodar oblysynyń ákimdiginen.

Buǵan deıin Aqtóbe qalasynda jylý maýsymynyń merzimi uzartylǵan edi.