Pavlodar oblysynda jylyna 35 myń tonna ónim shyǵaratyn maı zaýyty ashyldy
ASTANA.KAZINFORM — Pavlodar oblysynyń Pavlodar aýdanyndaǵy Kemenger aýylynda «KEMENGER MAY» seriktestiginiń maı óńdeý zaýyty jumysyn bastady. Kásiporyn kúnbaǵys tuqymynan tabıǵı kúıdegi maı óndirýge jáne maıly daqyldardy tereń óńdeýge mamandanǵan. Bul týraly AShM málim etti.
Jańa óndiris nysany óńirdiń agroónerkásiptik keshenindegi mańyzdy ınvestıtsııalyq joba sanalady. Kásiporyndy iske qosý jumystary 2025–2026 jyldary júrgizilip, jobaǵa jalpy kólemi 2 mlrd teńge ınvestıtsııa tartylǵan.
— Zaýyt zamanaýı joǵary tehnologııalyq jabdyqtarmen qamtamasyz etilgen. Bul shıkizatty tıimdi óńdeýge jáne naryq talaptaryna saı sapaly ónim shyǵarýǵa múmkindik beredi. Kásiporynnyń óndiristik qýaty jylyna 60 myń tonnaǵa deıin shıkizatty óńdeýge jáne 35 myń tonna daıyn ónim shyǵarýǵa qaýqarly, — delingen habarlamada.
Ónim ishki naryqpen qatar, sheteldik naryqtarǵa da eksporttalatyn bolady.
Aıta keteıik, buǵan deıin alǵash ret Aqtaý portynan raps maıynyń eksporttyq partııasy sátti jóneltilgenin jazdyq.
