Pavlodar oblysynda jergilikti seriktestiktiń jumysshylary joǵalyp ketti
ASTANA. KAZINFORM – Pavlodar oblysynda 112 pýltine JShS-niń biriniń qyzmetkerleri joǵalǵany týraly habarlama kelip tústi. Olar 28 naýryz kúni saǵat 15:00 shamasynda Aqshıman aýyldyq okrýginiń dala aımaǵyna shyǵyp, sodan keıin baılanysqa shyqpaǵan.
QR Tótenshe jaǵdaılar mınıstrligi baspasóz qyzmetiniń habarlaýynsha, búgin óńirlik TJD qyzmetkerleri, polıtsııa jáne jergilikti atqarýshy organdardyń ókilderimen birlesken izdestirý jumystarynyń nátıjesinde joǵalǵandar «Aqshoqy» aýdanynan tabyldy.
Er adamdarǵa medıtsınalyq kómek qajet bolmady.
Anyqtalǵandaı, kólik batpaqqa batyp qalyp, qoıý tuman saldarynan adamdar baǵdardan jańylysqan. Tańǵa jýyq olardyń ekeýi elektr jelileriniń baǵytymen júrip, Malaısary–Aqshıman jolyna shyǵyp, oqıǵa týraly habar bergen. Qalǵan eki adam kólikte bolǵan.
Osyǵan deıin Astanada joǵalyp ketken 15 jastaǵy jasóspirimniń Shymkentten tabylǵany týraly jazdyq.
