Pavlodar oblysynda jer úı órtenip, bir adam qaza tapty
PAVLODAR. KAZINFORM — Órt Jelezın aýdanyndaǵy Mıhaılovka aýylynda, gazdyń tutanýynan bolǵan.
Tilsiz jaýdan bir adam qaza tapty.
— 23 aqpan kúni saǵat 11.28-de Jelezın aýdanynyń Mıhaılovka aýylynda jeke menshik turǵyn úıde turmystyq gaz ballondy qaýipsiz paıdalaný talaptaryn buzý nátıjesinde gaz-aýa qospasy tutandy. Saldarynan 70 sharshy metr alańdy órt sharpydy.
Órt ornyna jedel túrde 16-ÓSB órt sóndirýshileri jiberildi. Sonymen qatar Mıhaılovka aýylynyń jergilikti atqarýshy organdarynyń órt sóndirý beketi jumys istedi. Jergilikti atqarýshy organdardyń órt sóndirý beketiniń kúshimen úı ishinen 1959 jyly týǵan úı ıesiniń múrdesi tabyldy. Saǵat 14.00-de órt tolyqtaı sóndirildi, - dep habarlady Pavlodar oblysy tótenshe jaǵdaılar departamenti.
TJD kúshteri men quraldarynan 3 qyzmetker jáne 2 tehnıka, sondaı-aq jergilikti atqarýshy organdardyń 4 adamy men 1 tehnıka jumyldyrylǵan.
Órtten qaza tapqan marqumnyń ekinshi toptaǵy múgedek ekeni anyqtaldy.
Eske sala keteıik, buǵan deıin Almatyda qoıma órtendi.